ANTAUX DU JAROJ
   ===============

   Antaux du jaroj mi vin ekvidis
   en kunlogxado la plej intima.
   Sed vi timidis, dece nur sidis;
   gutis hontem' frauxlina.
      Antaux du jaroj mi vin ekvidis
      en kunlogxado junula.
      Antaux du jaroj mi vin ekvidis
      en kunlogxado junula.

   En lasta jaro mi vin revidis
   en kunlogxado la plej severa.
   Vi ne hezitis, ne plu timidis;
   fluis parol' libera.
      Antaux du jaroj mi vin ekvidis
      en kunlogxado junula.
      Antaux du jaroj mi vin ekvidis
      en kunlogxado junula.

   Ankaux cxijare mi vin revidis
   en kunlogxado la plej valora.
   Cxiuj konfidis, vi ne perfidis
   per la labor' fervora.
      Antaux du jaroj mi vin ekvidis
      en kunlogxado junula.
      Antaux du jaroj mi vin ekvidis
      en kunlogxado junula.

   Post unu jaro mi vin revidos
   en kunlogxado la plej prospera.
   Mi vin invitos kaj nur rapidos
   al promenad' vespera.
      Cxar en cxi jaro mi vin ekamis
      en kunlogxado junula.
      Cxar en cxi jaro mi vin ekamis
      en kunlogxado junula.