PUSI RUBI TOGA ..... Re-dice ex Robin Gaskell

U helio pa dona termo; id pa es u proto di de Blasto-tem. Alterno, durante plu fini di de Hiemo, u meteo pra habe mega frigi; e, holo-tem, u ju-fe; qi es u subjekti de u-ci histori, pra tegu-se ko fe epi-equs toga.

U toga pa habe rubi kolori; e holo persona de fe viki pa memo id. Mu pa voka, "Pusi Rubi Toga; qe, tu habe tro termo?" Vero, kron fe pa gresi intra u bato nivi, u rubi toga pa tena fe termo; e fe ne pa gene frigi.

U-la helio di, u matri de u pusi ju-fe pa dice a fe, "Pusi Rubi Toga, mi habe ergo pro tu. Pre tu tira-ex tu toga, tu nece fero u-ci rami-va de fago-ma a tu parenta-matri. Na ne pa vide fe tem u holo Frigo-tem, ka u nivi pa du habe tro bato; sed nu, ko u ma termo meteo, tu nece ki."

Pluso, u matri de Pusi Rubi Toga, pa kontinu dice, "U nivi du gene liqi ka u termo de nu-di helio; sed tu nece tako moti a la, e retro." Fe pa monito, "Resta epi u via: ne sto; e, maxi gravi, ne dice ko ali-pe."

U matri pa pasa u rami-va a Pusi Rubi Toga; pa oskula fe; e pa apri u tyra. U ju-fe pa habe un ultima spira de meso-termo aero; pa prende u rami-va; pa fixa tegu peri-se fe epi-equs toga; e pa kursi dia u tyra.

Pusi Rubi Toga pa peti trans plu agri; qi habe solo oligo centi- metri de nivi. U toto vista pa habe leuko; sed fe pa ski u silvi pa gene proxi, ka u nivi pa gene ma bato. Tosto, dia plu floka de nivi; qi nu pra komence kade, fe pa vide plu dendro de u silvi; e fe soma pa vibra de frigi.

U-ci vide pa kausa fe tira u pluso mega spira de aero; e, tegu-se intra fe toga ma fixa de previo, fe pa kursi ma tako de previo, dia u kade nivi.

Intra u silvi, u ge-kade nivi pa habe mega bato; e inter plu dendro, il pa habe mei foto. So, Pusi Rubi Toga pa habe mega dificile de detekti u via. Fe pa dura kursi, sed ma lento nu, intra u bato nivi.

Plu umbra pa feno moti; e u ju-fe pa pote audi plu pusi zoa; qi pa moti inter plu dendro.

Pui, fe pa gene proxi morta! Mo umbra; ma mega de plu hetero, pa feno kresce: u-ci trauma pa lento fe moti. Klei ma mali, un-la umbra pa voka; e fe pa feno vide u longi gri barba. "Qo nima habe tu, kali ju-fe?" id pa dice, "E qo-lo tu ki?" id pa adi.

Anti u persona pa habe u gri barba, an voka pa soni tro juveni; e Pusi Rubi Toga pa gene ge-fobo. Fe pa memo plu verba de fe matri; so, kursi ma forti, fe pa pasa u gri morfo; e dura tako kursi. Sed, ko-co, fe pa pluso memo fe plu more; e pa voka retro ad u longi gri barba, "Rubi Toga: visita mi parenta-matri." Po-co, fe pa kursi u holo dista.

U ju-fe pra tanto gene morta. Veri, id pra eqa u lupus; e, anti u zoa pra habe mega fago-vo, id ne pa es minus sofi. Sio id ne es ma boni atende fe ariva to u paleo gina loka, te vora amfi u ju-fe e fe parenta-matri - habe u konsola de u meso-termo domi? U lupus ski u gina pusi-domi; e tako kursi peri u silvi te gene la.

Per u strategi de dice ke id pa es Rubi Toga, u lupus pa tosto gene in u parenta-matri domi. Intra u domi, id pa kapti u parenta-matri; e tira-ex fe noktu-vesti pre vora fe.

Sed pui, vide ke fe pa habe ta tenu, u lupus pa decide te prima vora u gluko Rubi Toga; e seqe, si no ge-sati, habe u mero de u paleo gina te sati auto. Ko-co, u lupus pa pulsa u paleo gina in u vesti-mo. U lupus sio habe no nece de fe pre id pa kompleti id vora de u ju-fe.

U-la Frigo-tem pra dura u fo mega tem; e u lupus ne pra ridi tem poli mene. Id pa kogita ke u tem pa es justi pro u mero de komika.

Si id pa vesti-auto in u parenta-matri noktu-vesti, id pa kogita; id sio sporta ko Rubi Toga, per akti iso u paleo gina. U lupus tako trakto epi-se u rosa ge-kolori noktu-vesti; e, ka id pa pote audi Pusi rubi Toga veni, id mali tako loka epi id kefa u rosa ge-kolori kapila-tegu, tem id pa du gene in u parenta-matri kli.

Iso-tem u lupus pa sed intra u kli; e pa plika peri-auto u parenta-matri kapita, te kleisto an gri kapila, Rubi Toga pa du kursi epi u via ad u domi, voka, "Parenta-matri, Parenta-matri."

Pre fe pa gene ad u domi, u lupus pa habe ta sati tem te kompleti id kripto-ve, per loka epi id longi nasa, u paleo gina plu lenti ex u tabla alelo u kli. Pui, u soni de Rubi Toga bate epi u tyra pa eko dia u domi.

"Ki in Rubi Toga: u tyra habe apri," pa dice u lupus utilo u raso voka. Pusi Rubi Toga pa qestio-auto de Paremta-matri voci; sed, ge-perplexi, fe pa pulsa u tyra e pa ki-in.

Iso fe pa gresi in u domi, fe pa kogita ad-auto, "U-la feno xeno, Parenta-matri nuli-kron lase aperi fe tyra." Seqe oligo pluso grada in u domi, fe pa sto te kogita, itera. Fe pa qestio-auto: per qo mode fe Parenta-matri pa ski de fe visita ... e qo-pe posi pa dice de id a fe?

Rubi Toga pa feno sensi un odori de ratus ... alo uno-ra ma mega! U ju-fe proto pa fobo pro fe parenti-matri; pui pa questio-se qod posi pa acide ci. Fe pa resolve vide qi, alo qod, pa es intra u domi; e poi judika qod akti.

Kron Rubi Toga pa vide u lupus du sedi intra u kli, id pa sti mega ma fobo in fe de kron fe enkontra id intra u silvi. Saliva pa kade per plu guta ex id ora; e id plu denti pa sembla iso bi line de plu akuto seka-ru. Plus-co, u lupus pa feno u ridi-ra; ge vesti intra plu gina noktu-ve.

Pusi Rubi Toga pa logi ke fe pa habe u dificile loka; e, pluso, fe pa ski ke fe pa nece tako kogita de fe akti te gene apo. Fe pa habe certa; u lupus ne pra logi ke fe pra detekti id infra u kripto-ve. So, fe pa judika ke u maxi boni akti pro fe pa es de sporta u lupus ludo a-tem fe sio vide fe exit.

Habe u no-turba toni intra fe voka, Pusi Rubi Toga pa dice, "Qod plu fo mega auri tu habe, Parenta-matri!"

U lupus, kogita ke id strategi pra akti, pa hedo u-ci joko; e pa responde, "Holo ma boni te audi tu, mi karo." U menta de u ju-fe pa tako moti: qod sio fe posi akti? Plu murmura; qi veni ex uno-lo intra u domi plus u kura de plu parenta-matri epi u lupus, pa sura fe ke u paleo gina pa dura habe bio. Anti-co, Rubi Toga pa ski mu loka pa habe mega perilo.

Fe pa judika: fe sio okupa u lupus per ma konversa ko id; e fe pa kontinu, "Oh! Parenta-ma, qod plu fo mega okula tu habe!"

U lupus, fo ge-place ko id joko, pa dice retro, "Holo ma boni te vide tu, mi karo." Ko-co, u lupus pa este id du gene un algo faringi ex uti u raso voka; so id judika id sio sto u komika, e ki avanti ad u vora-tem.

Per boni fortuna, u-la kron u moti, extra u fenestra, pa kapti Rubi Toga okula. Id pa es u kloro vesti de u peleki-an. Pusi Rubi Toga, fo anxio te sema ad an, pa seiso fe mani, uti u mode; qi u lupus ne posi vide. Te sti dura amusa u lupus te gene ma tem, u ju-fe pa ski ke fe nece dona mo pluso qestio ad u lupus. Anti-co, iso tosto de fe pa dice id, fe pa ski id pa es u mali fortuna elekti.

"E Parenta-ma, qod plu fo mega denti tu habe." fe voka.

"Holo ma boni te vora tu, mi karo." u ge-famo lupus pa voka. Pluso, id pa dice, iso id pa salta ex u kli, "E nu mi fu akti id!"

U ju-fe pa don un akuto voka de fobo; e pa proto kurso peri u kamera - expekta u peleki-an ki-in, ali-kron, te salva fe. U lupus pra tanto kapti Rubi Toga kron u kloro- vesti morfo pa peti in u kamera, oscila u peleki in un aero.

U ju-fe pa tako salta infra u kli. Pui fe pa akusti u peleki bate u kli; e fe pa vide u gri kefa, kron id pa bate u pedi-lo. U-ci subito vide pa sti fobo in fe: un ora, ko holo id plu denti, kade aperi, e pa lase u flue de saliva forma in u stagna epi u pedi-lo; Plu lensa pa habe ge-frakto; e u kefa-ve nu habe rubi kolori, ne rosa.

U peleki-an pa trakto Rubi Toga ex fe loka; infra u kli; e pa examina fe. U ju-fe pa habe no noce; sed u parenta-matri; qi mu lase-ex u vesti-mo, pra sufere fo trauma.

Poi, mu pa re-vesti u paleo gina, e pa sedi fe intra u sedi-mo. Pusi Rubi Toga pa bulo u mero de hydro intra u vapo-va; e pa face u gluko tasa de tea pro pan-pe. Pre u vapo-va pra gene bulo, Rubi Toga pa sti laxa fe parenta-matri per loka u kosina poste fe dorsi; e fe pa konsola fe ko u fago intra fe rami-va.

Tem-co, u peleki-an pa tira extra, u lupus soma; e pa tegu id ko suela. Pluso, an pa sti piro plu ge-hema kli tegu; e an pa puri u pedi-lo de hema.

Po plura hora plu bi visita-pe pra face versa, a norma, u domi. Seqe mu dice vale u parenta-matri. Te don imuni a fe, u peleki-an pa gresi ko Rubi Toga dia u silvi a fe domi. Tem mu pa du gresi alelo, an pa don a fe info de plu more de plu lupus.

Pa es noktu, tem Rubi Toga pa gene a fe domi: fe matri pa habe mega turba intra fe menta pro fe fe-fili. Kron u matri pa akusti u histori de Rubi Toga enkontra ko u lupus in u silvi, e plu seqe acide, fe pa dice imperio ke Rubi Toga ki a fe kli, sine fago.

Rubi Toga matri pa dice-gratia u peleki-an pro salva bi fe matri e fe-fili; e te monstra fe lauda pro an, fe don ad an tri domi ge-face kasea e u rami-va de Frigo-tem kokus.

SEQE NOTA
Duranto u-la noktu, habe u vakua gastri, Rubi Toga pa kumbe epi fe kli, e pa kogita. Fe pa judika, proto; fe nuli-tem sio es itera no-obedie fe matri. Po-co, fe pa judika; fe sio nuli-tem itera ki solo in u silvi.

E ultima, fe pa judika, si fe habe u fe-fili, fe fu nuli-tem habe ta stupidi te kausa u ju-fe ki solo in u silvi.

Main Menu ; Return to Stories index ; Next story